-------
ﺍﯾﮏ ﺭﺍﺕ ﻣﯿﮟ ﻧﮯ ﻻﻟﭩﯿﻦ ﺳﮯ ﭘﻮﭼﮭﺎ :
ﮐﯿﻮﮞ ﺑﯽ ! ﺗﻢ ﮐﻮ ﺭﺍﺕ ﺑﮭﺮ ﺟﻠﻨﮯ ﺳﮯ ﮐﭽﮫ ﺗﮑﻠﯿﻒ ﺗﻮ ﻧﮩﯿﮟ ﮨﻮﺗﯽ؟
ﺑﻮﻟﯽ : ﺁﭖ ﮐﺎ ﺧﻄﺎﺏ ﮐﺲ ﺳﮯ ﮨﮯ؟ ﺑﺘﯽ ﺳﮯ ، ﺗﯿﻞ ﺳﮯ ، ﭨﯿﻦ ﮐﯽ ﮈﺑﯿﮧ ﺳﮯ ، ﮐﺎﻧﭻ ﮐﯽ ﭼﻤﻨﯽ ﺳﮯ ﯾﺎ ﭘﯿﺘﻞ ﮐﮯ ﺍﺱ ﺗﺎﺭ ﺳﮯ ﺟﺲ ﮐﻮ ﮨﺎﺗﮫ ﻣﯿﮟ ﻟﮯ ﮐﺮ ﻻﻟﭩﯿﻦ ﮐﻮ ﻟﭩﮑﺎﺋﮯ ﭘﮭﺮﺗﮯ ﮨﯿﮟ۔ ﻣﯿﮟ ﺗﻮ ﺑﮩﺖ ﺳﮯ ﺍﺟﺰﺍﺀ ﮐﺎ ﻣﺠﻤﻮﻋﮧ ﮨﻮﮞ۔
ﻻﻟﭩﯿﻦ ﮐﮯ ﺍﺱ ﺟﻮﺍﺏ ﺳﮯ ﺩﻝ ﭘﺮ ﺍﯾﮏ ﭼﻮﭦ ﻟﮕﯽ ۔ ﯾﮧ ﻣﯿﺮﯼ ﺑﮭﻮﻝ ﺗﮭﯽ۔ ﺍﮔﺮ ﻣﯿﮟ ﺍﭘﻨﮯ ﻭﺟﻮﺩ ﮐﯽ ﻻﻟﭩﯿﻦ ﭘﺮ ﻏﻮﺭ ﮐﺮﻟﯿﺘﺎ ﺗﻮ ﭨﯿﻦ ﺍﻭﺭ ﮐﺎﻧﭻ ﮐﮯ ﭘﻨﺠﺮﮮ ﺳﮯ ﯾﮧ ﺳﻮﺍﻝ ﻧﮧ ﮐﺮﺗﺎ۔
ﻣﯿﮟ ﺣﯿﺮﺍﻥ ﮨﻮﮔﯿﺎ ﮐﮧ ﺍﮔﺮ ﻻﻟﭩﯿﻦ ﮐﮯ ﮐﺴﯽ ﺟﺰﻭ ﮐﻮ ﻻﻟﭩﯿﻦ ﮐﮩﻮﮞ ﺗﻮ ﯾﮧ ﺩﺭﺳﺖ ﻧﮧ ﮨﻮﮔﺎ ﺍﻭﺭ ﺍﮔﺮ ﺗﻤﺎﻡ ﺍﺟﺰﺍﺀ ﮐﻮ ﻣﻼ ﮐﺮ ﻻﻟﭩﯿﻦ ﮐﮩﻮﮞ ﺗﺐ ﺑﮭﯽ ﻣﻮﺯﻭﮞ ﻧﮧ ﭨﮭﮩﺮﮮ ﮔﺎ، ﮐﯿﻮﻧﮑﮧ ﻻﻟﭩﯿﻦ ﮐﺎ ﺩﻡ ﺭﻭﺷﻨﯽ ﺳﮯ ﮨﮯ۔ ﺭﻭﺷﻨﯽ ﻧﮧ ﮨﻮ ﺗﻮ ﺍﺱ ﮐﺎ ﮨﻮﻧﺎ ﻧﮧ ﮨﻮﻧﺎ ﺑﺮﺍﺑﺮ ﮨﮯ۔ ﻣﮕﺮ ﺩﻥ ﮐﮯ ﻭﻗﺖ ﺟﺐ ﻻﻟﭩﯿﻦ ﺭﻭﺷﻦ ﻧﮩﯿﮟ ﮨﻮﺗﯽ ، ﺍﺱ ﻭﻗﺖ ﺑﮭﯽ ﺍﺱ ﮐﺎ ﻧﺎﻡ ﻻﻟﭩﯿﻦ ﮨﯽ ﺭﮨﺘﺎ ﮨﮯ۔ ﺗﻮ ﭘﮭﺮ ﮐﺲ ﮐﻮ ﻻﻟﭩﯿﻦ ﮐﮩﻮﮞ۔ ﺟﺐ ﻣﯿﺮﯼ ﺳﻤﺠﮫ ﻣﯿﮟ ﮐﭽﮫ ﻧﮧ ﺁﯾﺎ ، ﺗﻮ ﻣﺠﺒﻮﺭﺍ ﻻﻟﭩﯿﻦ ﮨﯽ ﺳﮯ ﭘﻮﭼﮭﺎ : ﻣﯿﮟ ﺧﺎﮐﯽ ﺍﻧﺴﺎﻥ ﻧﮩﯿﮟ ﺟﺎﻧﺘﺎ ﮐﮧ ﺗﯿﺮﮮ ﮐﺲ ﺟﺰﻭ ﮐﻮ ﻣﺨﺎﻃﺐ ﮐﺮﻭﮞ ﺍﻭﺭ ﮐﺲ ﮐﻮ ﻻﻟﭩﯿﻦ ﺳﻤﺠﮭﻮﮞ۔
ﯾﮧ ﺳﻦ ﮐﺮ ﻻﻟﭩﯿﻦ ﮐﯽ ﺭﻭﺷﻨﯽ ﻟﺮﺯﯼ ، ﮨﻠﯽ، ﮐﭙﮑﭙﺎﺋﯽ۔
ﮔﻮﯾﺎ ﻭﮦ ﻣﯿﺮﯼ ﻧﺎﺁﺷﻨﺎﺋﯽ ﻭ ﻧﺎﺩﺍﻧﯽ ﭘﺮ ﺑﮯﺍﺧﺘﯿﺎﺭ ﮐﮭﻠﮑﮭﻼ ﮐﺮ ﮨﻨﺴﯽ ﺍﻭﺭ ﮐﮩﺎ “ : ﺍﮮ ﻧﻮﺭِ ﺧﺪﺍ ﮐﮯ ﭼﺮﺍﻍ ، ﺁﺩﻡ ﺯﺍﺩ ! ﺳﻦ، ﻻﻟﭩﯿﻦ ﺍﺱ ﺭﻭﺷﻨﯽ ﮐﺎ ﻧﺎﻡ ﮨﮯ ﺟﻮ ﺑﺘﯽ ﮐﮯ ﺳﺮ ﭘﺮ ﺭﺍﺕ ﺑﮭﺮ ﺁﺭﺍ ﭼﻼﯾﺎ ﮐﺮﺗﯽ ﮨﮯ۔ ﻻﻟﭩﯿﻦ ﺍﺱ ﺷﻌﻠﮯ ﮐﻮ ﮐﮩﺘﮯ ﮨﯿﮟ ﺟﺲ ﮐﯽ ﺧﻮﺭﺍﮎ ﺗﯿﻞ ﮨﮯ ﺍﻭﺭ ﺟﻮ ﺍﭘﻨﮯ ﺩﺷﻤﻦ ﺗﺎﺭﯾﮑﯽ ﺳﮯ ﺗﻤﺎﻡ ﺷﺐ ﻟﮍﺗﺎ ﺑﮭﮍﺗﺎ ﺭﮨﺘﺎ ﮨﮯ۔ ﺩﻥ ﮐﮯ ﻭﻗﺖ ﺍﮔﺮﭼﮧ ﯾﮧ ﺭﻭﺷﻨﯽ ﻣﻮﺟﻮﺩ ﻧﮩﯿﮟ ﮨﻮﺗﯽ ﻟﯿﮑﻦ ﮐﺎﻧﭻ ﺍﻭﺭ ﭨﯿﻦ ﮐﺎ ﭘﻨﺠﺮﮦ ﺭﺍﺕ ﺑﮭﺮ ، ﺍﺱ ﮐﯽ ﮨﻢ ﻧﺸﯿﻨﯽ ﮐﮯ ﺳﺒﺐ ﻻﻟﭩﯿﻦ ﮐﮩﻼﻧﮯ ﻟﮕﺘﺎ ﮨﮯ ۔
ﺗﯿﺮﮮ ﺍﻧﺪﺭ ﺑﮭﯽ ﺍﯾﮏ ﺭﻭﺷﻨﯽ ﮨﮯ۔ ﺍﮔﺮ ﺗﻮ ﺍﺱ ﮐﯽ ﻗﺪﺭ ﺟﺎﻧﮯ ﺍﻭﺭ ﺍﺱ ﮐﻮ ﭘﮩﭽﺎﻧﮯ ﺗﻮ ﺳﺐ ﻟﻮﮒ ﺗﺠﮫ ﮐﻮ ﺭﻭﺷﻨﯽ ﮐﮩﻨﮯ ﻟﮕﯿﮟ ﮔﮯ ، ﺧﺎﮎ ﮐﺎ ﭘﺘﻼ ﮐﻮﺋﯽ ﻧﮩﯿﮟ ﮐﮩﮯ ﮔﺎ۔ ”
ﺩﯾﮑﮭﻮ ،ﺧﺪﺍ ﮐﮯ ﻭﻟﯿﻮﮞ ﮐﻮ ﺟﻮ ﺍﭘﻨﮯ ﭘﺮﻭﻭﺩﮔﺎﺭ ﮐﯽ ﻧﺰﺩﯾﮑﯽ ﻭ ﻗﺮﺑﺖ ﮐﯽ ﺧﻮﺍﮨﺶ ﻣﯿﮟ ﺗﻤﺎﻡ ﺭﺍﺕ ﮐﮭﮍﮮ ﮐﮭﮍﮮ ﮔﺰﺍﺭ ﺩﯾﺘﮯ ﺗﮭﮯ، ﺗﻮ ﺩﻥ ﮐﮯ ﻭﻗﺖ ﺍﻥ ﮐﻮ ﻧﻮﺭِ ﺧﺪﺍ ﺳﮯ ﻋﻠﯿﺤﺪﮦ ﻧﮩﯿﮟ ﺳﻤﺠﮭﺎ ﺟﺎﺗﺎ ﺭﮨﺎ ، ﯾﮩﺎﮞ ﺗﮏ ﮐﮧ ﻣﺮﻧﮯ ﮐﮯ ﺑﻌﺪ ﺑﮭﯽ ﺍﻥ ﮐﯽ ﻭﮨﯽ ﺷﺎﻥ ﺭﮨﺘﯽ ﮨﮯ۔
ﺗﻮ ﭘﮩﻠﮯ ﭼﻤﻨﯽ ﺻﺎﻑ ﮐﺮ۔ ﯾﻌﻨﯽ ﻟﺒﺎﺱِ ﻇﺎﮨﺮﯼ ﮐﻮ ﮔﻨﺪﮔﯽ ﺍﻭﺭ ﻧﺠﺎﺳﺖ ﺳﮯ ﺁﻟﻮﺩﮦ ﻧﮧ ﮨﻮﻧﮯ ﺩﮮ۔ ﺍﺱ ﮐﮯ ﺑﻌﺪ ﮈﺑﯿﺎ ﻣﯿﮟ ﺻﺎﻑ ﺗﯿﻞ ﺑﮭﺮ۔ ﯾﻌﻨﯽ ﺣﻼﻝ ﮐﯽ ﺭﻭﺯﯼ ﮐﮭﺎ، ﺍﻭﺭ ﭘﮭﺮ ﺩﻭﺳﺮﮮ ﮐﮯ ﮔﮭﺮ ﮐﮯ ﺍﻧﺪﮬﯿﺮﮮ ﮐﮯ ﻟﺌﮯ ﺍﭘﻨﯽ ﮨﺴﺘﯽ ﮐﻮ ﺟﻼ ﺟﻼ ﮐﺮ ﻣﭩﺎ ﺩﮮ۔ ﺍﺱ ﻭﻗﺖ ﺗﻮ ﺑﮭﯽ ﻗﻨﺪﯾﻞِ ﺣﻘﯿﻘﺖ ﺍﻭﺭ ﻓﺎﻧﻮﺱِ ﺭﺑﺎﻧﯽ ﺑﻦ ﺟﺎﺋﮯ ﮔﺎ۔
0 comments: